Charkaviec papiaredziŭ pra mahčymaje padzieńnie zołatavalutnych reziervaŭ
Biełaruś za pieršyja dva miesiacy 2013 vypłaciła kala $530 młn zamiežnaha dziaržaŭnaha doŭhu. Ab hetym paviedamiŭ karespandentu BIEŁTA ŭ čas žyvoj linii ministr finansaŭ Andrej Charkaviec.
«U krasaviku čakajuć čarhovyja płaciažy», — dadaŭ ministr. Takim čynam, dynamika płaciažoŭ kaža ab tym, što mižnarodnyja reziervy krainy mohuć źnižacca. «Ale paralelna isnujuć i płany pa ich papaŭnieńni», — praciahnuŭ Andrej Charkaviec.
Ministr finansaŭ spadziajecca pazyčyć $ 880 młn za košt piataha i šostaha tranšaŭ kredytu AKF JeŭrAzES. Čaćviorty tranš kredytu na sumu $ 440 młn byŭ atrymany ŭ studzieni biahučaha hoda. Takim čynam, novymi pazykami raspłacilisia za papiarednija.
Raschody na absłuhoŭvańnie zamiežnych daŭhoŭ u 2013 hodzie składuć bolš jak $3 młrd. Heta amal udvaja pieravyšaje ličby 2012 hoda.
Zołatavalutnyja reziervy Biełarusi składajuć kala $ 8 młrd. Dla zabieśpiačeńnia ekanamičnaj biaśpieki mižnarodnyja reziervovyja aktyvy pavinny byli b składać nie mienš za 12 miljardaŭ, abo sumu troch miesiacaŭ impartu.