Armianskija ŚMI: Łukašenka haścić u najbujniejšaha aliharcha krainy — «Dodzi Haho»
Pavodle źviestak Slaq.am, Alaksandra Łukašenku ŭ aeraporcie Jerevana sustrakaŭ lidar partyi «Kvitniejučaja Armienija» Hahik Carukian, jaki adtul pryvioz da siabie ŭ asabniak. Łukašenka načavaŭ u Carukiana doma, bo jany vielmi blizkija siabry.
14 maja Alaksandr Łukašenka budzie ŭdzielničać u cyrymonii aśviačeńnia carkvy Śviatoha Avanesa Mkrciča (Jana Chryściciela) u horadzie Abavian. Carkva pabudavana pa inicyjatyvie i pry sponsarstvie siamji Carukiana. Łukašenka budzie ŭdzielničać taksama ŭ cyrymonii adkryćcia restarana ŭ horadzie Abavian. Na budaŭnictva restarana z kazino i zabaŭlalnym centram Hahik Carukian zrabiŭ ŭniosak na 100 młn. dalaraŭ.
* * *
Hahik Carukian naradziŭsia ŭ 1956 h. Staršynia i zasnavalnik partyi «Kvitniejučaja Armienija», deputat Nacyjanalnaha Schodu, prezident Nacyjanalnaha alimpijskaha kamiteta Armienii. Ličycca najbujniejšym aliharcham Armienii, klučavym biźnies-partnioram Robierta Kačarana. U Armienii bolš viadomy pa mianušcy «Dodzi Haho».