16 maja ŭ Breście prezientujuć knihu ab Hrunvaldskaj bitvie
16 maja a 16-j hadzinie amataraŭ litaratury i historyi zaprašajuć na prezientacyju novaj knihi Anatola Bienzieruka «Miačy Hrunvalda, albo Dvanaccać abaroncaŭ karala», piša «Briestskaja hazieta».
Mierapryjemstva adbudziecca ŭ adździele litaratury dla dziaciej i junactva Bresckaj abłasnoj biblijateki imia M.Horkaha.
Anatol Bienzieruk žyvie i pracuje ŭ Žabincy. U 2009 hodzie jon staŭ łaŭreatam Litaraturnaj premii imia U.Kaleśnika ŭ naminacyi «Dziciačaja litaratura». Vydańnie «Miačy Hrunvalda, albo Dvanaccać abaroncaŭ karala» taksama adrasujecca dzieciam siaredniaha školnaha ŭzrosta, ale zacikavić i darosłych, tamu što pryśviečana hieraičnamu času ŭ historyi našaj krainy. Kniha vyjšła ŭ vydaviectvie «Mastackaja litaratura» i stała sioleta łaŭreatam premii «Mastactva knihi».