U Biełarusi ŭpieršyniu projdzie Jeŭrapiejski mižkulturny fiestyval
Z 20 pa 26 maja ŭ Biełarusi adbudziecca Jeŭrapiejski mižkulturny fiestyval. Arhanizatarami pieršaha ŭ krainie padobnaha prajekta vystupili šerah biełaruskich i mižnarodnych arhanizacyj. Hałoŭnaja meta mierapryjemstva — stvaryć kamunikacyjnuju placoŭku dla kulturnaha dyjałohu i raspavieści biełarusam pra historyju i tradycyi krain-udzielnic Jeŭrapiejskaha Sajuza, a taksama dziaržaŭ, jakija ŭvachodziać u inicyjatyvu «Uschodniaje partniorstva».
U ramkach Jeŭrapiejskaha mižkulturnaha fiestyvalu zapłanavana mnostva mierapryjemstvaŭ: adkryty zaniatak pa navučańni niamieckaj movie, sustrečy z maładymi ludźmi-vałanciorami z roznych krain Jeŭropy, adukacyjnyja sieminary pa historyi i kultury susiednich krain, lekcyja jeŭrapiejskich ekśpiertaŭ i mnohaje inšaje.
Padrabiaźniej pra fiestyval čytajcie tut.