Prezientacyja knihi Haliny Karžanieŭskaj — 27 maja
27 maja (paniadziełak) u Minskaj abłasnoj biblijatecy imia Puškina (vuł. Hikały, 4) adbudziecca prezientacyja knihi Haliny Karžanieŭskaj «Što varta radaści i śloz…» «Bijahrafija ŭ vieršach i narysach» — tak akreślivajecca žanr knihi.
Krytyk Usievaład Ścieburaka ŭ svajoj recenzii adznačaje:
«Kniha spadaryni Karžanieŭskaj stałasia nie prosta fiksacyjaj realnych padziejaŭ z asabistaha žyćcia i losu siamiejnikaŭ dy ziemlakoŭ, ale i ich prajekcyjaj va ŭnutranym śviecie čałavieka i tvorcy.
Pavodle zadumy aŭtara, u knizie strukturna vydzielenyja dźvie častki. Asobna adlustravanyja dva pieryjady žyćcia: rańni, źviazany sa Słuččynaj, i paźniejšy — złučany z Łahojščynaj, dzie spadarynia Karžanieŭskaja žyła ŭ vioscy Januškavičy i nastaŭničała ŭ miastečku Pleščanicy».
U viečarynie voźmuć udzieł ludzi, žyćcio jakich źviazanaje sa Słuččynaj i Łahojščynaj, kalehi i siabry aŭtarki. Vystupiać Raisa Baravikova, Fieliks Batoryn, Nina Halinoŭskaja, Aleś Jemialjanaŭ.
Piśmieńniki Barys Piatrovič i Aleś Paškievič, zasnavalniki i redaktary sieryi «Biblijateka Sajuza biełaruskich piśmieńnikaŭ «Kniharnia piśmieńnika», u jakoj vyjšła kniha Haliny Karžanieŭskaj, raskažuć pra novyja vydańni.
Narodnyja pieśni vykanaje hurt «Siomucha». U prahramie viečara — demanstracyja słajdaŭ z knihi, bahata ilustravanaj fotazdymkami z asabistaha archiva Haliny Karžanieŭskaj.
Pačatak u 17.30. Uvachod volny.