Jak adklučycca ad «Kosmas TB»?
Pryznačeńnie byłoha staršyni KDB Vadzima Zajcava na pasadu hienieralnaha dyrektara «Kosmas TB» vyklikała pytańnie ŭ niekatorych našych čytačoŭ. Jak razarvać damovu z kampanijaj? — zapytaŭsia ŭ nas karystalnik Andrejka.
Dla taho, kab adklučycca ad apieratara, treba zapoŭnić formu zajavy.
U poli «pryčyna» možna ŭkazać: pryznačeńnie Vadzima Zajcava kiraŭnikom kampanii.
Zajavu možna pryvieźci ŭ ofis kampanii, vysłać u adskanavanym vyhladzie na ao_info@cosmostv.com, adpravić pa faksie
Paśla daviadziecca viarnuć abstalavańnie na praciahu 15 kalandarnych dzion u ofis kampanii pa adrasie vuł. Pijanierskaja, 36 z 9.00 da 19.00 (vychodnyja: subota, niadziela) albo paklikać pradstaŭnikoŭ kampanii.
Vadzim Zajcaŭ zastajecca ŭ śpisie asobaŭ, ujezd jakich u Jeŭrasajuz zabaronieny pa padazreńni ŭ suŭdziele ŭ parušeńniach pravoŭ čałavieka ŭ Biełarusi. Mienavita Zajcaŭ byŭ staršyniom Kamiteta, kali ŭ izalatary KDB znachodzilisia aryštavanyja za Płošču. Mnohija ź ich zajavili ab katavańniach u časie śledstva.