U noč z 6 na 7 lipienia — Kupalle na Niomnie z Vajciuškievičam
Kupalski abrad z hurtom Guda projdzie ŭ siadzibie muzyki.
U noč z 6 na 7 lipienia ŭ ahrasiadzibie “Vajciuški” projdzie Kupalle na Niomanie. Haspadar siadziby, Źmicier Vajciuškievič čakaje haściej u subotu, 6-ha: u hety dzień, kaža muzyka, hości mohuć raźbić namioty, adpačyvać i kupacca ŭ Niomanie. U niadzielu ž na race adbudziecca tradycyjny kupalski abrad.
“6 lipienia ŭ 22 hadziny budzie šeście na Nioman, budziem puskać koły, zapalvać vohniščy i skakać praź ich pad kupalskija pieśni ad hurtu Guda. A paśla ŭžo na terytoryi “Vajciuškoŭ” pad kiraŭnictvam dziaŭčat z “Hudy” čakajucca tancy da ŭpadu: ad staražytnych da bolš sučasnych, — pieraličvaje “kupalskija” zabavy Źmicier Vajciuškievič. I žartaŭliva dadaje. — U miežach Kryminalnaha kodeksa”.
Naviedać Vajciuški i ŭziać udzieł u Kupalli na Niomnie možna za 80 tysiač rubloŭ.
* * *
Ahrasiadziba "Vajciuški" znachodzicca pa adrasie: Hrodzienskaja vobłaść, Navahrudski rajon, v. Vasilevičy, 43.