Dzień kultury narodaŭ VKŁ projdzie siońnia ŭ Minsku

Nacyjanalny mastacki muziej 24 lipienia abjadnaje historyi čatyroch krain — Biełarusi, Ukrainy, Polščy i Litvy.

U Minsku projdzie vialiki kancert «Dzień kultury narodaŭ Vialikaha Kniastva Litoŭskaha».

Prahrama raźličana na piać hadzin i projdzie va ŭnutranym dvary muzieja. Dla publiki ŭ hety viečar vystupić papularny biełaruski hurt, zasnavalnik stylu fołk-madern — «Pałac», ukrainski «HIČ Arkiestr» — adzin z samych zapatrabavanych fiestyvalnych kalektyvaŭ, polski strunny kvintet «VoLosi», jaki pakaryŭ blizkaje i dalokaje zamiežža, a taksama hrupa «Aiste Smilgeviciutes&SKYLE», jakaja atrymała sioleta premiju prezidenta Litvy za ŭniosak u kulturu.

Naviedvalnikaŭ čakajuć i tradycyjnyja ramiesnyja majsterni ad centra narodnych ramiostvaŭ «Skarbnica», vystaŭka kaściuma, daśpiechaŭ i zbroi (XIII–XVI stst.) ad Maładziožnaha hramadskaha abjadnańnia «Žyvaja historyja», tancy, viktaryny, pryzy i śpiecyjalnaje mieniu ad Art-kafe.

Viečar prymierkavany da ekspazicyi «Partrety ŭładaroŭ i mahnataŭ Vialikaha Kniastva Litoŭskaha», ź jakoj možna aznajomicca da 26 žniŭnia.

Kamientary da artykuła