Na rynkach handlary ličać dalar pa 9000—9100
Niedavier da rubla pryvioŭ da žadańnia zastrachavacca ad vahańniaŭ kursu.
Najlepšy kurs kupli dalara pa stanie na 12.00 paniadziełka składaje 8910 rubloŭ. Kupić dalary možna ad 8950 rubloŭ. Dalary ŭ abmieńnikach jość svabodna.
Ale čakańni kamiersantaŭ adnosna rubla niehatyŭnyja. Mienavita tamu meblevyja kampanii, kramy na aŭtarynkach i pradaŭcy budmateryjałaŭ na siońnia praličvajuć canu zychodziačy z kursu 9000–9100 rubloŭ za dalar, a časam navat da 9500. «Fjučarsnaja cana» rubla ŭpała.
Staršynia Nacbanka Nadzieja Jermakova ŭ piatnicu pryznała, što nasielnictva masava pieravodzić rublovyja aščadžeńni ŭ valutu. Jana zajaviła pra hatoŭnaść Nacbanka paspryjać rostu stavak pa rublovych depazitach i harantavała, što centralny bank krainy hatovy rabić interviencyi dziela zachavańnia stabilnaści rubla.