Siońnia a 18-j — prezientacyja knihi Jurasia Bušlakova «Žyvaja mova»
Prezientacyja adbudziecca ŭ pamiaškańni siadziby BNF, Miensk, vulica Čarnyšeŭskaha, 3.
«Žyvaja mova» Jurasia Bušlakova — kalekcyja praktyčnych ese pra toje, jak havaryć pa-biełarusku pravilna i pryhoža.
Ciaham svajoj redaktarskaj pracy na Radyjo Svaboda aŭtar vyjaŭlaŭ składanyja, sprečnyja ci pamyłkovyja momanty ŭ žyvoj movie, analizavaŭ ich i davaŭ parady, jakija skłali cykl radyjopieradačaŭ i lehli ŭ asnovu knihi.
Hetuju knihu Juraś dapisvaŭ i ŭdaskanalvaŭ da apošnich dzion žyćcia. Jana ŭbačyła śviet da sarakavin z dnia jahonaj zaŭčasnaj śmierci.
Usie prysutnyja atrymajuć knihu Jurasia Bušlakova «Žyvaja mova» z adbitkam piačatki-ekślibrysa, zroblenym rukoj jahonaj maci.