Arche pryziamlicca ŭ Harodni

Paśla sumnaviadomaj priezientacyi knihi Jana Šumskaha «Savietyzacyja Zachodniaj Biełarusi» ŭ Hrodnie 14 vieraśnia minułaha hoda i nastałych uśled za joj dramatyčnych padziej u mnohich naziralnikaŭ skłałasia ŭražańnie, što vydavieckamu prajektu Arche pryjšoŭ kaniec. Na ščaście, praz paŭhoda vyjaviłasia, što heta nie tak.

Jość peŭny simvalizm u tym, što pieršaja paśla amal hadavoha pierapynku priezientacyja časopisa Arche adbudziecca iznoŭ-taki ŭ Hrodnie. Haradziencaŭ čakaje sustreča z aŭtarami śviežaha numara časopisa, pryśviečanaha histaryčnaj palitycy i histaryčnaj pamiaci ŭ Biełarusi: Juryjem Hardziejevym, Alaksandram Kraŭcevičam, Andrejem Cichamiravym, Andrejem Vaškievičam. Numar Arche «Partyzany i palicai» pradstavić jaho redaktar Aleś Paškievič. Historyk Aleś Bieły raskaža pra svaju knihu «Chronika Biełaj Rusi: Imahałohija Biełarusi CHII -ChVIII st.», jakuju vysoka acanili śpiecyjalisty pa adpaviednaj prablematycy. Jon taksama pradstavić prajekt «Naša ctrava» — adnajmiennnuju knihu i mini-sieryjał z 4 filmaŭ, vyrablenych «Biełvideacentram».

Narešcie, Valer Bułhakaŭ apaviadzie pra stratehii vyžyvańnia časopisa ŭ novaj situacyi.

Sustreča adbudziecca u aŭtorak, 30 lipienia, pa adrasie vuł. Budzionnaha 48a, unutrany dvoryk. Pačatak imprezy, a 18.30. Teł. dla daviedak (029) 550-79-69.

Kamientary da artykuła