«Art-Siadziba» jedzie ŭ ekśpiedycyi pa Biełarusi pry padtrymcy «Našaj Nivy»

Redakcyja sajta artsiadziba.by pry infarmacyjnaj padtrymcy haziety «Naša Niva» raspačynaje žurnaliscki prajekt «Ekśpiedycyja Art-Siadziby „Zrobim lepš!“».

Ciaham dvuch miesiacaŭ niekalki hrup maładych žurnalistaŭ vypraviacca ŭ dziesiać mini-ekśpiedycyj pa Biełarusi. Kožnaja ekśpiedycyja znojdzie cikavaha čałavieka ci inicyjatyvu ŭ roznych rehijonach Biełarusi, jakija ščyra i paśpiachova zajmajucca svajoj spravaj i vyrašajuć peŭnyja sacyjalnyja, hramadska značnyja i kulturnyja prablemy ŭ svajoj miascovaści.

Pa vynikach kožnaj vandroŭki źjaviacca vialikija multymiedyjnyja materyjały pra biełarusaŭ, jakija robiać našuju krainu lepšaj.

«Art Siadziba» zaprašaje zacikaŭlenych dałučacca da arhanizacyi ekśpiedycyj i ŭdziełu ŭ ich. Kali vy viedajecie cikavych i admietnych ludziej z rehijonaŭ, jakija addana i paśpiachova zajmajucca svajoj spravaj — zaprašajcie! Adna z ekśpiedycyj «Art Siadziby» z radaściu pryjedzie da vas u hości.

Kali vy žurnalist, fatohraf ci videaapieratar i chočacie dałučycca da adnoj z ekśpiedycyj «Zrobim lepš!»,

Usie materyjały z ekśpiedycyj buduć apublikavanyja na sajcie artsiadziba.by, a najlepšyja źjaviacca ŭ haziecie «Naša Niva» i na sajcie nn.by.

Kamientary da artykuła