Łukašaniec: Da trasianki treba stavicca jak da naturalnaj źjavy
Takoje mierkavańnie, adkazvajučy siońnia na pytańni žurnalistaŭ, vykazaŭ staršynia Mižnarodnaha i Biełaruskaha kamitetaŭ słavistaŭ,člen-karespandent NAN Biełarusi Alaksandr Łukašaniec.
Vučony źviarnuŭ uvahu, što źmiešvańnie dźviuch movaŭ nie śpiecyfičnaja biełaruskaja prablema. «Heta naturalnaja źjava dla šmatmoŭnych hramadstvaŭ, aktualnaja, naprykład, i dla Ukrainy, miažy Polščy i Hiermanii», — skazaŭ Alaksandr Łukašaniec.
«Da trasianki treba stavicca jak da naturalnaj źjavy. Navat u adnamoŭnych krainach na litaraturnaj movie razmaŭlaje adnosna nievialikaja, vysokaadukavanaja častka hramadstva. Źmiešanaja havorka — realija luboj sučasnaj kamunikatyŭnaj prastory», — adznačyŭ Alaksandr Łukašaniec.