Fołk-śviata ŭ honar I. Bujnickaha, Šabli - 17 žniŭnia
Tancavalnaja viečaryna ŭ honar zasnavalnika pieršaha prafiesijnaha nacyjanalnaha biełaruskaha teatru Ihnata Bujnickaha projdzie 17 žniŭnia na chutary Šabli ŭ vioscy Małoje Zaprudździe Vałožynskaha rajona. Pačatak u 15:00. Uvachod volny.
Paŭdzielničać u śviatkavańni dnia naradžeńnia słavutaha ziemlaka zmoža kožny achvotny.
Naviednikaŭ čakajuć majstar-kłasy pa biełaruskich narodnych tancach, pieśni, hulni, vieršy. Arhanizatary viečaryny rychtujuć sapraŭdnaje śviata dla amataraŭ biełaruskaj narodnaj kultury.
***
Viadomy biełaruski akcior, režysior i teatralny dziejač Ihnat Bujnicki naradziŭsia 10 (22) žniŭnia 1861 hoda ŭ falvarku Palivačy na Viciebščynie. Jon źjaŭlajecca zasnavalnikam pieršaj prafiesijnaj biełaruskaj teatralnaj trupy, ź jakoj hastralavaŭ pa miastečkach i vioskach Biełarusi, u Vilni, Varšavie, Minsku, Sankt-Pieciarburhu i inšych haradach.
Ihnat Bujnicki pieršym vyvieŭ na scenu «mužycki» taniec, jak pastanoŭščyk i vykanaŭca prademanstravaŭ pryhažość i nievyčarpalnyja mahčymaści biełaruskich narodnych tancaŭ. Jak dramatyčny akcior Bujnicki pieravažna vystupaŭ u charaktarnych rolach, jon umieła vyjaŭlaŭ tonkuju ironiju i humar.