Kryvavaja kontrrevalucyja ŭ Jehipcie: sotni zabitych u Kairy

Karespandent Bi-bi-sipaviedamlaje, što jon asabista naličyŭ nie mienš za 50 ciełaŭ zabitych kala dźviuch palavych špitaloŭ pobač ź miačećciu Rabaa al-Adavija na ŭschodzie Kaira, dzie jehipieckija śpiecsłužby razahnali adzin z namiotavych haradkoŭ pratestoŭcaŭ, jakija patrabavali adnaŭleńnia va ŭładzie demakratyčna abranaha prezidenta Machamieda Mursi.

Padparadkavanaje vajskoŭcam Ministerstva achovy zdaroŭja Jehipta zajaŭlaje pra 235 zabitych i 3000 paranienych padčas siońniašnich padziej u Jehipcie pa ŭsioj krainie. «Braty-musulmanie» nazyvajuć ličbu ŭ niekalki tysiač zabitych.

Pryviedzieny da ŭłady armijaj pierachodny prezident Jehipta abviaściŭ ab uviadzieńni ŭ krainie nadzvyčajnaha stanovišča, jakoje budzie dziejničać na praciahu miesiaca.

«Braty-musulmanie», abo pa-inšamu kažučy «Musulmanskaje bractva» — heta relihijny isłamski ruch uzajemadapamohi. Mienavita jahonaje palityčnaje kryło pieramahło na pieršych paśla revalucyi demakratyčnych vybarach. Jahonaja płatforma blizkaja da tureckich demakratyčnych isłamistaŭ. Adnak sproby hramadskich pieraŭtvareńniaŭ vyklikali procidziejańnie i navat sabataž z boku słajoŭ, jakija panavali ŭ Jehipcie ŭ časy Mubaraka. Pieryjad niestabilnaści skončyŭsia vajskovym pieravarotam.

Jeŭrasajuz i ZŠA maŭkliva pryniali vajskovy pieravarot, ale rezka asudzili rasstreł 14 žniŭnia.

Kamientary da artykuła