22 žniŭnia sustreča z prafiesaram Elžbietaj Smułkovaj

Ładziać sustreču Latučy ŭniviersitet i Mižnarodny kansorcyum «JeŭraBiełaruś».

Napraciahu žyćcia čałavieku davodzicca stać śviedkam roznych jaskravych momantaŭ, ale tolki niekatoryja ź ich zastajucca ŭ pamiaci jak važnyja, znakavyja padziei. Padobna i ź ludźmi — z šerahu tvorčych imprezaŭ, prezientacyj, lekcyj i dyskusij tolki niekatoryja stanoviacca dla nas sustrečaj z Asobaj, čyje dumki i mierkavańni stanoviacca važnaj častkaj našaha razumieńnia sučasnaści. Sustreča z takoj Asobaj doryć nam mahčymaść stać datyčnym času, historyi i kultury.

22 žniŭnia Latučy ŭniviersitet ładzić sustreču z čałaviekam, jaki «ŭvasablaje saboj polska-biełaruskaje supracoŭnictva ŭ śfiery navuki i ŭ halinie dypłamatyi» — viadomaj biełarusistkaj i słavistkaj, pieršym Nadzvyčajnym i Paŭnamocnym pasłom Respubliki Polšča ŭ Biełarusi, prafiesaram Elžbietaj Smułkovaj. Jaje ŭnikalny dośvied pracy ŭ roznych śfierach, praktyka daśledavańniaŭ pamiežnych polska-biełaruska-litoŭskich terytoryj, šmatlikija navukovyja, dypłamatyčnyja i prosta čałaviečyja kantakty dazvalajuć joj hłyboka asensoŭvać tyja pracesy, jakija farmujuć intelektualnuju i kulturnuju prastoru sučasnaj Uschodniaj Jeŭropy.

Za filižankaj kavy z prafiesaram Elžbietaj Smułkovaj my razmaŭlajem pra aktualii žyćcia polskich univiersitetaŭ, tyja vykliki, jakija stajać siońnia pierad univiersiteckaj adukacyjaj i navukaj, pra sučasnyja tendencyi ŭ raźvićci humanistyki.

Arhanizatary zaprašajuć dałučycca da hutarki. Sustreča adbudziecca 22 žniŭnia ŭ kaviarni «Łyžki» (Kamsamolskaja, 34). Pačatak u 18.30.

Prapanujem adno z intervju z prafiesaram Elžbietaj Smułkovaj.

Kaardynatar sustrečy Julija Halinoŭskaja: +375297422040; Julia.hurska@gmail.com

Kamientary da artykuła