Kontrrevalucyja ŭ Jehipcie: Mubarak vychodzić na svabodu

Sud u Kairy źniaŭ z eks-prezidenta krainy abvinavačvańni ŭ karupcyi i vyzvaliŭ jaho z-pad varty. Miarkujecca, što jon vyjdzie na svabodu ŭ najbližejšyja hadziny.

Praces nad im ciahnuŭsia ad 2011 hoda, kali ŭ krainie adbyłasia revalucyja.

Hetym letam jehipieckaja armija skinuła zakonna abrany ŭrad i aryštavała prezidenta Machamieda Mursi. Ciapier Mursi siadzić, a Mubarak vyjdzie na svabodu.

U časie revalucyi 2011 hoda zahinuła kala 1000 čałaviek, pieravažna demanstrantaŭ. Achviary kontrrevalucyi jašče bolš šmatlikija: u časie kryvavaha razhonu prychilnikaŭ prezidenta Mursi zahinuła nie mienš za 1200 asobaŭ.

Vyzvaleńnia Mubaraka dabivalisia hałoŭnyja donary Jehipta — manarchii Aravijskaha paŭvostrava.

Realnuju ŭładu ŭ Jehipcie ciapier trymaje ministr abarony krainy hienierał Abdel-Fatachal-Sisi.

Kamientary da artykuła