Vystava «U serca hlań svajo…», pryśviečanaja Rajnisu i Kupału — 11 vieraśnia
11 vieraśnia (sierada), a 16-j hadzinie, u dzień naradžeńnia vialikaha paeta Łatvii, Dača-muziej Rajnisa i Aspazii (Jurmała) zaprašaje na ŭračystaje adkryćcio vystaŭki «U serca hlań svajo…» z fondaŭ Dziaržaŭnaha litaraturnaha muzieja Janki Kupały.
Vystaŭka — častka mižnarodnaha prajekta «Janka Kupała i Jan Rajnis», jaki realizujecca dziakujučy supracoŭnictvu Abjadnańnia litaraturnych muziejaŭ (Łatvija) i muzieja Janki Kupały (Biełaruś) pry padtrymcy Pasolstva Biełarusi ŭ Łatvii.
Prajekt pryśviečany žyćciu, tvorčaści i siabroŭstvu vydatnych paetaŭ Biełarusi i Łatvii — Janki Kupały i Jana Rajnisa.
Nazvaj vystaŭki abrany radok ź vierša Janki Kupały «Nie šukaj», hałoŭnaja tema jakoha — adviečny pošuk čałaviekam ščaścia, jakoje znachodzicca blizka, tolki treba ŭmieć šukać i hladzieć u svajo serca. Hetaja humanistyčnaja ideja lažyć u asnovie tvorčaści abodvuch paetaŭ, los jakich nieadździelny ad histaryčnaha šlachu rodnaj ziamli.
Ekspazicyjnyja płakaty, jakija ŭtrymlivajuć rukapisy, fatahrafii z fondaŭ Dziaržaŭnaha litaraturnaha muzieja Janki Kupały, znajomiać z asnoŭnymi viechami žyćcia i tvorčaści pieršaha narodnaha paeta Biełarusi, siarod jakich byli znakavyja sustrečy z vydatnymi dziejačami łatvijskaj kultury. U 1926 hodzie ŭ Minsk pryjechaŭ Jan Rajnis, narodny paet i dziaržaŭny dziejač Łatvii, dziakujučy apiecy jakoha Łathalija stała rodnym domam dla biełarusaŭ.
Hetaja adzinaja asabistaja sustreča paetaŭ stvaryła hłyboki kantekst dla dalejšaha raźvićcia biełaruska-łatvijskich kulturnych suviaziaŭ. U 1940 h. Janka Kupała naviedaŭ Łatviju jak hanarovy hość Łatvijskaha źjezdu piśmieńnikaŭ.