«Latučy ŭniviersitet» u kniharni «Łohvinaŭ» — 13 vieraśnia
13 vieraśnia (piatnica) kniharnia «łohvinaŬ»- hutarka pra biełaruskaje myśleńnie pačatku XXI st. Va ŭtulnaj atmaśfiery kniharni «łohvinaŬ» za kubačkam kavy.
Taćciana Ščytcova, Valancin Akudovič, Ihar Babkoŭ, Taćciana Vadałažskaja razmaŭlajuć pra toje, jakija aŭtary i jakija teksty reprezientujuć biełaruskaje myśleńnie siońnia, što varta ŭklučać u biełaruskuju tradycyju, pa jakich kryteryjach možna vyznačać hetych aŭtaraŭ i hetyja teksty.
Pačatak a 21-j. Uvachod — volny
Suarhanizatar hetaj imprezy kniharnia «łohvinaŬ» rychtuje admysłovuju vystavu-prodaž knih, jakija, pa viersii kniharni, hodnyja taho, kab skłaści śpis čarhovaj antałohii biełaruskaha myśleńnia pačatku XXI st.