U Vietkaŭskim rajonie ŭ niadzielu projdzie fiestyval tkactva «Krosiency»
27 kastryčnika (niadziela) ŭ vioscy Niehlubka Vietkaŭskaha rajona adbudziecca fiestyval tkactva «Krosiency».
Fiestyval biełaruskaha ručnika ŭ Niehlubcy prajšoŭ upieršyniu hod tamu, śviata vyrašyli zrabić tradycyjnym, źmianiŭšy nazvu.
U prahramie śviata — majstar-kłasy ad narodnych umielcaŭ pa vyrabie pradmietaŭ pobytu i adzieńnia, a taksama pa tradycyjnych tancach. Pierad haściami vystupiać kalektyvy mastackaj samadziejnaści Vietkaŭskaha rajona i Homiela («Jahorava Hara», «Młyn sonca», «Ban-Žvirba»).
Buduć pracavać placoŭki «Tkactva: šlach žyćcia», «Adradžeńnie ramiastva», «Siemantyka arnamienta», projduć vystavy ručnikoŭ i tradycyjnych kašul, prodaž suvieniraŭ.
Miesca praviadzieńnia fiestyvalu tkactva było abranaje nievypadkova.
Niehlubskija ručniki viadomyja daloka za miežami Biełarusi. Naprykład, ručniki ź Niehlubki ŭpryhožvajuć adno z pamiaškańniaŭ AAN. Jany ekspanavalisia na vystavach u Ńju-Jorku, Manreali, Tokia, Paryžy, Brusieli, dzie byli adznačanyja załatymi miedalami.