Siońnia — prezientacyja novaj knihi Ryhora Baradulina «Vušacki słovazbor»
15 listapada u minskaj kniharni «ŁohvinaŬ» (pr. Niezaležnaści, 37A) adbudziecca prezientacyja novaj knihi Ryhora Baradulina «Vušacki słovazbor», jakaja stała 47 vypuskam sieryi «Kniharnia piśmieńnika» Biblijateki Sajuza biełaruskich piśmieńnikaŭ.
U viečarynie voźmuć udzieł:
Hienadź Buraŭkin, Natalla Davydzienka (układalnica knihi), Aleś Kamocki, Uładzimir Niaklajeŭ (aŭtar pradmovy), Aleś Paškievič, Barys Piatrovič, Kastuś Ćvirka (recenzient vydańnia).
«Vušacki słovazbor» — sproba sabrać za adnym biasiednym stałom choć kryšačku niepieraŭzydzienaha šmathałośsia rodnaje mnie ziamli, šmathałośsia, jakoje, na žal, pačynaje hłuchnuć, — piša Ryhor Ivanavič va ŭstupnym słovie da knihi, pryśviečanaj «Śvietłaje pamiaci mamy Kuliny».
Niezdarma na vokładcy źmieščanaje fota biełaruskaj vioski — Narodny paet skłaŭ nie prosta słoŭnik admietnaj leksiki Vušaččyny, jon imknuŭsia pieradać «pahanskija karani i biblejskaje nieba», «čyściniu bačańnia śvietu», hałasy «mamy Kuliny, kreŭnych i blizkich».
Pačatak u 18.00. Uvachod volny.