Lidar ukrainskaj partyi prapanavaŭ zapatrabavać ad Rasii kampiensacyi za Haładamor
Lidar Usieŭkrainskaha abjadnańnia «Svaboda» Aleh Ciahnibok zajaviŭ, što Ukraina pavinna zapatrabavać ad Rasii vybačeńniaŭ i kampiensacyi za arhanizacyju Haładamoru 1932-1933 hh.
«Prapanuju ŭstanavić kryminalnuju adkaznaść za publičnaje admaŭleńnie Haładamoru jak hienacydu ŭkrainskaj nacyi, i my pavinny aficyjna patrabavać ad Rasii vybačeńniaŭ i kampiensacyj za hienacyd ukrainskaj nacyi ŭ 1932-33 hadach», — skazaŭ Ciahnibok.
26 listapada 1998 hoda prezident Ukrainy Leanid Kučma vydaŭ ukaz № 1310 «Ab ustalavańni Dnia pamiaci achviar Haładamoru i palityčnych represij», paśla ŭnios u jaho šerah źmianieńniaŭ, pavodle adnaho ź jakich pamiatnaja data adznačałasia štohod u čaćviortuju subotu listapada.
U XX stahodździ Ukraina pieražyła try pieryjady masavaha hoładu: u 1921—1923, 1932—1933, 1946—1947 hh. Pavodle roznych źviestak, padčas Haładamoru 1932—1933 hh. Pamierli ad 5 młn da 9 młn čałaviek.