«Pieršapačatak». Prezientacyja kalendara da jubileju Sajuza biełaruskich piśmieńnikaŭ — 27 listapada
27 listapada 2013 hoda ŭ Nacyjanalnym histaryčnym muziei (Minsk, vuł. K. Marksa, 12) adbudziecca prezientacyja kalendara «Pieršapačatak» i ŭračystaje adkryćcio fotavystavy da 80-hodździa z dnia zasnavańnia HA «Sajuz biełaruskich piśmieńnikaŭ». Pačatak u 17.00. Uvachod volny.
Arhanizatary mierapryjemstva — Ministerstva kultury, Nacyjanalny histaryčny muziej, HA «Sajuz biełaruskich piśmieńnikaŭ».
U imprezie voźmuć udzieł:
Dyrektar Nacyjanalnaha histaryčnaha muzieja Aleh Ryžkoŭ, Staršynia HA «SBP» Barys Piatrovič, pieršy namieśnik Staršyni SBP Aleś Paškievič, vydaviec i fotamastakValery Duboŭski, aŭtar kancepcyi kalendara «Pieršapačatak» Iryna Chadarenka;
A taksama ŭdzielniki kalendara, piśmieńniki:
Hienadź Buraŭkin, Anatol Viarcinski, Aksana Danilčyk, Leanid Drańko-Majsiuk, Michaś Skobła, Antanina Chatenka i folk-hurt «Alta Mente».
Viadučy — Usievaład Ścieburaka.
Fotamastacki prajekt «Pieršapačatak» skiravany na papularyzacyju tvorčaści sučasnych biełaruskich litarataraŭ, prymierkavany da jubileju Sajuza biełaruskich piśmieńnikaŭ i ažyćciaŭlajecca pry padtrymcy kampanii «Budźma biełarusami!». U kalendary 13 biełaruskich tvorcaŭ uvasoblenyja ŭ vobrazach mifałahičnych istot.
Da 80-hodździa najstarejšaj litaraturnaj arhanizacyi Biełarusi poruč z fotavystavaj budzie pradstaŭlenaja ŭnikalnaja ekspazicyja, padrychtavanaja Sajuzam biełaruskich piśmieńnikaŭ. Asobnaje miesca budzie adviedzienaje ekspanatam z asabistych archivaŭ Ryhora Baradulina, Vasila Bykava,Niła Hileviča.
Naprykład, piśmovy prybor Ryhora Baradulina, vyrableny majstram Hienadziem Astašonkam, listy Vasilu Bykavu roznych hadoŭ, dypłamatyčny pašpart Vasila Bykava 1993 h., rukapis «Aŭtabijahrafičnyja dadatki da adpaviednych miaścin» Vasila Bykava (2000-2002 hh.), čarnavik «Skaza pra Łysuju Haru», rukapisy rańnich vieršaŭ Niła Hileviča i pieršaj paemy «Tavaryš» 1947 h.
Siarod archiŭnych materyjałaŭ, datyčnych dziejnaści SBP, — asabovyja spravy Janki Bryla, Uładzimira Karatkieviča, Maksima Tanka, Uładzimira Duboŭki, Jazepa Puščy, Andreja Makajonka, Pimiena Pančanki, redkija fotazdymki, a taksama dakumientacyja, štampy i piačatki Sajuza piśmieńnikaŭ BSSR.
Fotavystava «Pieršapačatak» i ekspazicyja da 80-hodździa Sajuza biełaruskich piśmieńnikaŭ dastupnyja dla naviedvańnia z 21 listapada. Muziej pracuje štodzień z 11:00 da 19:00.
Daviedka pa teł. +375 17 327-43-22, 327-48-27.