Brudnaja i Pryŭkrasnaja, vyjšaŭ 5-y numar Makułatury
Na hetym tydni pabačyŭ śviet piaty numar časopisa «Makułatura», hałoŭnym redaktaram jakoha źjaŭlajecca piśmieńnik Siarhiej Kalenda.
Minuły numar byŭ pryśviečany Anhlii, hety ž numar adnačasova «brudny» i « pryŭkrasny» i maje dva tvary. Jak piša Siarhiej Kalenda ŭ pradmovie: «Makułatura Brudnaja i Pryŭkrasnaja stvorana mienavita dla taho, kab padkreślić skrajnaści Pryrody, dvuchbakovaść čałaviečaha talentu i pamknieńniaŭ… Heta sproba razhladzieć kłasičnuju prozu i ekśpierymient jak častki i baki adnoj maniety».
Piataja Makułatura ŭ «Brudnaj» svajoj častcy raspačynaje drukavać ekśpierymientalny raman Dmitryja Kalejčyka, raman-nieśviadomaść, raman-siurrealizm, raman-varjactva, raman-skrucha, raman-spadziavańnie – «Teoryja Chaosa».
Drukujucca taksama Uładzimir Kazłoŭ, Uładzisłaŭ Achromienka, Alaksiej Tałstoŭ, a taksama Siarhiej Kalenda.
Akramia hetaha — Kastuś Žybul dy Raman Žurko, novyja aŭtary sa svaim debiutami, zamiežnyja piśmieńniki i pierakład častcy ramanu Čarłza Bukoŭskaha «Makułatura».
Prezientacyja časopisa adbudziecca 20 śniežnia ŭ kniharni «ŁohvinaŬ» (Minsk, pr-t Niezaležnaści, 37a). Pačatak a 19-j.
Udzieł prymuć: Viktar Marcinovič, Uładzimir Kazłoŭ, Uładzisłaŭ Achromienka, Siarhiej Kalenda, Alaksiej Tałstoŭ, Andrej Dzičenka, Lida Naliŭka, Kastuś Žybul.
Uvachod volny.