Bardu Viktaru Šałkieviču spoŭniłasia 55
Siońnia 55 hodździe śviatkuje adzin z najpapularniejšych biełaruskich bardaŭ — Viktar Šałkievič. U svajoj tvorčaści spadar Viktar zaŭždy spałučaŭ tonkuju liryku i nadzvyčajnuju ironiju, jahonyja pieśni zaŭždy znachodzili svajho słuchača nie tolki siarod amataraŭ bardaŭskaj pieśni, ale i siarod prychilnikaŭ bluza i tanha.
Da taho ž, vidać nichto ź biełaruskich śpievakoŭ, nie zmoh nastolki dakładna pakazać biełaruskuju rečaisnaść — sumnuju i viasiołuju, strašnuju i śmiešnuju.
Aproč taho Viktar Šałkievič vydatny akcior i šoŭmen – jahonaja prysutnaść nadała papularnaści i stała samym jaskravym momantam śpiektakla Kupałaŭskaha teatra «Miestačkovaje kabare».
«Naša Niva» dałučajecca da vinšavańniaŭ i zyčyć spadaru Viktaru zdaroŭja, natchnieńnia i tvorčaści!
A pavinšavać barda ź jubilejem možna: 15 lutaha. 19:00 Pałac kultury im. Šarko (vuł. Uralskaja, 3) — bard, aktor i humaryst Viktar Šałkievič z novymi i lepšymi pieśniami da svajho 55-hodździa i da dnia ŭsich zakachanych!
Kvitki na kancert Viktara Šałkieviča možna nabyć: pierachod Ja.Kołasa, kasa k/ź Minsk, kasa DK MTZ