Akcyja dla amataraŭ «ciažkaj» muzyki
Startuje admysłovaja akcyja dla prychilnikaŭ ciažkaj muzyki. Z 8 lutaha mietałchedy, jakija nabyli dva kvitki na šoŭ Metal All Stars, atrymajuć kvitok na kancert Scar Symmetry (1 sakavika) abo Skindred (17 sakavika) u kłubie Re:Public.
Nabyć kvitki, jakija ŭdzielničajuć u akcyi, možna tolki ŭ ofisie ahienctva «KonciertChołłHrupp» na adrasie vuł. Karła Marksa, 25/10. Prapanova aktualnaja tolki da 14 lutaha.
Nahadajem, maštabnaje šoŭ Metal All Stars adbudziecca 1 krasavika ŭ minskim Pałacy sportu. U kancercie ŭdzielničajuć Maks Kavalera, Fił Anselma, Zak Uajłd, Kronas i inšyja zorki suśvietnaha ŭzroŭniu.
«Heta aryhinalny prajekt ź vialikim patencyjałam, — kaža adzin z udzielnikaŭ šou Maks Kavalera. — Što moža być lepšym za toje, kab sabracca razam i pajhrać kłasičnyja pieśni? Asabista ja, darečy, budu vykonvać piać numaroŭ. Heta pieršy naš vystup u Biełarusi, ale, nakolki mnie viadoma, u vas šmat prychilnikaŭ našaj muzyki, tak što šoŭ budzie stromkim, biez sumnievaŭ. Uvohule, nočka budzie haračaj».
Telefony dla infarmacyi i braniravańnia kvitkoŭ:
- + 375 44 4820160,
- +375 25 7005045.