Pradstaŭniki «Kamunarki»: biełaruskuju movu na abhortku vierniem
Šakaładka «Lubimaja Alonka» bieź biełaruskaj movy. Fota Jarasłava Zubryckaha.
Makiet upakoŭki «Lubimaj Alonki» z apisańniem pradukta pa-biełarusku.
««Kamunarka» admianiła biełaruskuju movu», — z takim listom u redakcyju «NN» źviarnuŭsia čytač Jarasłaŭ Zubrycki i dasłaŭ fota abhortki 100-hramovaj šakaładnaj plitki «Lubimaja Alonka» ad minskaj kandytarskaj fabryki. Na fota zaŭvažna, što nasuprać identyfikatara «BY» zrobleny nadpis pa-rasijsku.
Žurnalist «NN» źviarnuŭsia pa kamientar na «Kamunarku».
«Značok «BY» maje na ŭvazie adpaviednaść pradukcyi patrabavańniam biełaruskaha STB, jaki vyznačaje charaktarystyki jakaści šakaładu. Tamu ŭ adpaviednaści z Kanstytucyjaj RB była vykarystana adna ź dziaržaŭnych moŭ, — patłumačyła načalnik adździeła ŭpakoŭki pradpryjemstva Taćciana Biekiš.
Ale,
kali paŭstała pytańnie nakont najaŭnaści biełaruskaj movy na abhortcy, my ŭniasiom źmieny ŭ makiety».
U jakaści prykładu Taćciana Biekiš dasłała «NN» makiet abhortki šakaładnaj plitki «Lubimaja Alonka» vahoju 20 hramaŭ, na jakoj jość tekst i pa-biełarusku.