Druhi načny šturm adbity, ličba zabitych demanstrantaŭ dasiahnuła 20
Na Majdanie zastajecca kala 10 tysiač čałaviek. Supraćstajańnie praciahvajecca na vulicy Chryščacik z boku Jeŭrapiejskaj płoščy. Ale najbolš dramatyčnaje zmahańnie idzie z ahniom u 9-paviarchovym budynku prafsajuzaŭ.
Pavodle infarmacyi miedykaŭ Majdanu, ličba zabitych demanstrantaŭ dasiahnuła 20. Čatyry cieły prynieśli ŭ Michajłaŭski pravasłaŭny sabor. Jany zahinuli pry abaronie budynku prafsajuzaŭ, dzie mieściŭsia Štab nacyjanalnaha supracivu. U adnaho z trupaŭ adarvała ruku.
Pałonienych i paranienych bierkutaŭcaŭ praviali za scenu Majdanu. Im akazvajuć miedyčnuju dapamohu.
Žyvaja tranślacyja pakazvaje paranienaha ŭ strašnym stanie — bierkutaŭca z vybitym vokam. U jaho ŭ rukach razarvałasia hranata, paviedamlajuć ŚMI. Čakajuć «chutkuju dapamohu».
U Lvovie BTR sprabavaŭ prarvać błakadu demanstrantaŭ, nie ŭdałosia. U Lvovie demanstranty zachapili budynak upraŭleńnia SBU.
U Biełaj Carkvie (Kijeŭskaja vobłaść), dzie žyŭ Michał Žyźnieŭski, 150 čałaviek iduć na šturm upraŭleńnia milicyi.
Takija viestki z Ukrainy pa stanie na 2.50 nočy.