Hukać viasnu buduć 22 sakavika ŭ Viazyncy
U prahramie zapłanavanyja zahukalnyja pieśni, viesnavyja karahody, moładzievyja i dziciačyja hulni, tancy i kirmaš ramiostvaŭ.
Pra heta ŭ Fejsbuku na staroncy mierapryjemstva paviedamiła Studenckaje etnahrafičnaje tavarystva.
Viesnavoje śviata ładziać RMHA «Studenckaje etnahrafičnaje tavarystva» i Dziaržaŭny litaraturny muziej Ja. Kupały.
U prahramie — zahukalnyja pieśni, viesnavyja karahody, moładzievyja i dziciačyja hulni, tancy i kirmaš ramiostvaŭ.
Hetaj viasnoj na śviacie buduć śpieŭnyja hurty «Horyń», «Haściniec», «Varhan», «Miareža», «Vieras» i «Tałaka», «Kałychanka», muzyki Dzianis Suchi, Staś Čavus, Raman Jaraš, Vieranika Ancileŭskaja, Alena Mialeška, Kasia Radziviłava, Jaŭhien Baryšnikaŭ, kapeła «Dźvina», kłub tradycyjnaha tanca «Sita».
Śviata ŭ Viazyncy tradycyjnaje.
Jak i dahetul, pryncypovaja pazicyja arhanizataraŭ – nie padzialać prysutnych na hledačoŭ i vystupoŭcaŭ, a ŭdzielničać u śviacie ŭsim razam. Da ŭsiaho, što budzie adbyvacca naŭkoł, nie tolki možna, ale i varta dałučacca. Vielmi vitajucca stužki i ptuški na drevy, a taksama tradycyjnyja stroi.
Sioleta da śviata dałučacca arhanizacyja «Achova ptušak Baćkaŭščyny» i piakarnia ŽORNY.
Taksama budzie pracavać kuchnia ź blinčykami, harbataj, miodam i ptuškami-bułačkami.
Dla majstroŭ: nieabchodna papiarednie zarehistravacca, dasłaŭšy Darji Zujevaj na adras timofej_timofeev@inbox.ru (teł. (029) 258-80-13) fotazdymki svaich rečaŭ na ŭzhadnieńnie. Tema kirmašu – tradycyjnyja ramiostvy, ptuški, kvietki.
Udzieł u śviacie biaspłatny, ale dla ŭvachodu na terytoryju muzieja treba budzie nabyć uvachodny kvitok.
Cana kvitkoŭ u muziej:
10 000 – darosłyja;
7 000 – studenty;
5 000 – dzieci.
Pačatak — 22 sakavika ŭ 17.00.