17 krasavika — šou-dehustacyja «Historyja Biełarusi na smak»
U Nacyjanalnym histaryčnym muzieje 17 krasavika prezientujuć knihu «Lepšyja stravy biełaruskaj kuchni/The best dishes of Belarusian cuisine», jakaja vyjšła na ruskaj i anhlijskaj movach.
Jaje aŭtar — ekśpiert staradaŭniaj biełaruskaj kuchni Alena Mikulčyk — zacikaviłasia narodnaj kulinaryjaj dziakujučy svajakam, jakija cudoŭna hatavali. Jaje babula Chadorka pražyła 102 hady i, viadoma, paśpieła pieradać unučcy staradaŭnija recepty. Mikulčyk dapoŭniła ich materyjałami, jakija zapisała ŭ ekśpiedycyju.
Vyniki jaje šmathadovych daśledavańniaŭ apublikavanyja ŭ knizie «Lepšyja stravy biełaruskaj kuchni», dzie źmieščanyja jak recepty straŭ, tak i historyja ich pachodžańnia.
Na imprezie adbudziecca kulinarna-teatralizavany pakaz «Tysiača hadoŭ biełaruskaj kuchni – ad pahanskich časoŭ da vieka krynalinaŭ», majstar-kłas ad «Supołki kucharaŭ», dehustacyja ekskluziŭnych straŭ staradaŭniaj biełaruskaj kuchni i kancert zorak biełaruskaj estrady.
Prychodźcie na prezientacyju knihi 17 krasavika ŭ Nacyjanalny histaryčny muziej. Pačatak u 17.00, zakančeńnie — u 21 hadzinu. Košt kvitkaŭ składzie BR20 tysiač.