Zajaŭlena ab chutkim stvareńni «Uschodniaj Ukrainskaj Fiedieracyi» ŭ sajuzie ź Biełaruśsiu i Rasijaj
Na poŭdni i ŭschodzie Ukrainy moža źjavicca fiederacyja, jakaja ŭvojdzie ŭ skład sajuznaj dziaržavy Rasii i Biełarusi. Pra heta zajaviŭ adzin ź lidaraŭ krymskich sieparatystaŭ Rustam Ciemirhalijeŭ, jaki nazyvaje siabie pieršym vice-premjer-ministram Kryma.
Adpaviednaje paviedamleńnie jon raźmiaściŭ na svajoj staroncy ŭ Fejsbuku.
«Siabry, pačałosia vyzvaleńnie Paŭdniova-Uschodniaj Ukrainy! Spadziajusia, što vielmi chutka Łuhanskaja, Charkaŭskaja, Danieckaja, Dnieprapiatroŭskaja, Zaparožskaja, Chiersonskaja, Mikałajeŭskaja i Adeskaja vobłaści ŭtvorać 20 młn Ukrainskuju Fiederacyju, jakaja ŭvojdzie ŭ Sajuznuju dziaržavu Biełarusi i Rasii!», — napisaŭ jon.
Jak viadoma, u subotu aktyvizavalisia sieparatysty ŭ Danieckaj vobłaści. Jany zachapili niekalki rajonnych upraŭleńniaŭ milicyi, razdali zbroju mitynhoŭcam.