Kultura palapšaje žyćcio — 15 krasavika
Biełarus, jaki žyvie ŭ kožnym z nas: jak jaho paznać?
Tajamničaja biełaruskaja duša… Ci jość jana? Z čaho składajecca? Na hetuju temu zaprašaje parazvažać kulturnickaja kampanija «Budźma biełarusami!» na finalnym tok-šou ź viasieńniaha cykłu «Kultura palapšaje žyćcio!»
Tok-šou «Kultura kaštoŭnaściaŭ. Rasšyfroŭvajem nacyjanalny kod biełarusaŭ» projdzie 15 krasavika ŭ «CECHu».
Kampanija zaprašaje razam abmierkavać, ci majuć biełarusy ŭłasny kulturny kod, a kali majuć, to što jość jaho składnikami. Biełarusy zakadavanyja ŭ krainu ci ŭ «archipiełah Biełaruś»?
Ci jość u biełarusaŭ uciamna sfarmulavanaja nacyjanalnaja ideja? A kali niama, to što ŭ biełaruskim nacyjanalnym charaktary moža stać asnovaj dla aktualnaj nacyjanalnaj idei? Jakija kaštoŭnaści i antykaštoŭnaści ŭpłyvajuć na našu mientalnaść? I ŭvohule, ci treba być admietnym u «postnacyjanalny» čas?
Na hetyja pytańni nam dapamohuć adkazać:
- Aleh Chamienka, muzyka, lidar hurta «Pałac», vykładčyk, kulturtrehier;
- Julija Čarniaŭskaja, kulturołah, prafiesar, litaratar, aŭtar i viadoŭca kulturnickich prahram na TUT.BY-TV;
- Michał Aniempadystaŭ, dyzajnier, hrafik, paet, pierakładčyk i publicyst;
- Alaksiej Dziermant, fiłosaf, etnakulturołah, vykładčyk.
Maderatar: Usievaład Ścieburaka, paet, prazaik, šoumien.
Miesca praviadzieńnia (UVAHA! MAHČYMYJA ŹMIENY! SAČYCIE ZA NAVINAMI NA BUDZMA.BY):
Kreatyŭnaja prastora «CECH», prasp. Niezaležnaści, 58, k.6 (prachod praz vuł. P.Broŭki), dalni padjezd, 2 pavierch (schiema prajezdu).
Uvachod volny.
Pačatak: 19.00.