Rasijskija kamandas na ŭschodzie Ukrainy ŭzbrojenyja novymi reaktyŭnymi hranatamiotami FOTAFAKT
Kamandas u Słaviansku zajmajuć pazicyi ŭ žyłych damach. Fota błohieraŭ.
Žychary Słavianska bajacca, što ich horad stanie polem boja. Fota z Tvitara.
Rasijskija ŚMI havorać pra toje, što administratyŭnyja budynki ŭ Danbasie zaniali «otčajavšijesia russkojazyčnyje žitieli». Adnak na fotach vidać, što ŭdarnyja hrupy šturmavikoŭ uzbrojenyja pa apošnim słovie techniki.
Siarod inšaha, kamandas majuć z saboj hranatamioty RPH-26 i RPH-30. Reaktyŭnyja supraćtankavyja hramaty RPH-30 pastupili na ŭzbrajeńnie rasijskaj armii ŭ 2013 hodzie i nie pradavalisia ni ŭ adnu inšuju krainu śvietu. Pryčym pieršymi 1000 RPH-30 atrymali mienavita vojski Centralnaj i Paŭdniovaj vajennych akruh. Tyja, jakija siońnia razhornutyja vakoł Ukrainy.
Mienavita najaŭnaść RPH zrabiła niemahčymym šturm Słavianska ŭkrainskim śpiecnazam. RPH zdolnyja padbić nie tolki BTRy, a navat samyja sučasnyja tanki. Navat papiaredni ich varyjant, RPH-29, byŭ davoli efiektyŭnymi i padbivaŭ na poli boja izrailskija «Mierkavy» i amierykanskija «Abramsy». RPH-30 ža asnaščanyja, akramia asnoŭnaj hranaty, snaradam-imitataram celi dla niejtralizacyi procisnaradaŭ.