Zrobim muziei cikaviejšymi! Pieršy «Kirmaš prajektaŭ» u Minsku
Usie my čas ad času krytykujem muziei. Maŭlaŭ, niecikavyja padačy, niama interaktyvu, nie viedajem, što dzie adbyvajecca… Kampanija «Budźma!» daje kožnamu z vas šaniec zrabić muziej cikaviejšym! Prapanujcie ideju, pradstaŭcie jaje na pieršym staličnym «Kirmašy prajektaŭ», atrymajcie parady prafiesijanałaŭ i realizujcie svaje zadumy! Vašuju ideju lepš za vas nichto ažyćciavić nie zmoža! Adkarkujma muziejnuju «kansiervu» razam!
Muziejny «Kirmaš» adbudziecca 15 traŭnia i budzie pryśviečany novym, aktualnym sposabam pašyreńnia aŭdytoryi muziejaŭ, sučasnym madelam pracy z naviednikami. Asablivuju cikavaść ujaŭlajuć prajekty, jakija nie tolki stymulujuć navukovuju i vychavaŭčuju dziejnaść muzieja, ale i ŭličvajuć patreby siońniašniaha biełaruskaha hramadstva.
Jakija prajekty źbirajucca?
- novyja padychody da supracy muziejaŭ i hramadstva,
- prajekty, što razburajuć stereatypy pra «zakansiervavany niecikavy muziej»: raskryvajuć mahčymaści muzieja dałučać, cikavić, ździŭlać ludziej, zadavać pytańni i/abo davać na ich adkazy.
Tematyčnyja kirunki prezientacyj/prajektaŭ:
- razvićcio łakalnych supolnaściaŭ praz muziej (kłuby, abjadnanni navakolnych žycharoŭ, tavarystvy siabroŭ muzieja);
- praviadzieńnie muziejnych pop-up prajektaŭ (karotkačasovych mierapryjemstvaŭ, padčas jakich mieścičy prynosiać u muziej ułasnyja tematyčnyja «ekspanaty» i sami ž raskazvajuć historyi hetych rečaŭ);
- stvareńnie i raskrutka virtualnych muziejnych placovak praz sacyjalnyja sietki, sacyjalnyja prajekty ŭ siecivie;
- inavacyjnyja prajekty, nakiravanyja na farmavańnie hramadskaj dumki vakoł histaryčnaj spadčyny;
- muziej pa-za ścienami muzieja (vyjaznyja prajekty, nakiravanyja na aktualizacyju ŭ horadzie muziejnaj dziejnasci);
- idei pa prasoŭvańni dziejnaści muziejaŭ abo ich asobnych mierapryjemstvaŭ.
Da ŭdziełu zaprašajucca jak prafiesijanały, tak i ŭsie nieabyjakavyja amatary biełaruskich muziejaŭ!
Ekśpiertami vystupiać aŭtarytetnyja admysłoŭcy ŭ muziejnaj spravie.
Kab pradstavić svoj prajekt, nieabchodna da 11 traŭnia ŭklučna dasłać na elektronnuju skryniu kirmash.praektau@gmail.com prezientacyju,
(zroblenuju ŭ PowerPoint, Keynote abo na siervisie prezi.com) pa płanie:
- nazva prezientacyi;
- sutnaść prezientacyi (što mienavita vy chočacie pradstavić: prajekt, stratehiju, kampaniju, kancepcyju i h.d.);
- mety i zadačy (čamu i kamu hety prajekt nieabchodny?);
- farmat prajekta, jaho ŭnikalnaść i (ci) nieabchodnaść;
- kali i dzie ideja musić realizavacca?
- jakija resursy vy ŭžo majecie i jakija – šukajecie? (kamanda, dziejańni, partniory, biudžet).
Bolš padrabiazna pra padrychtoŭku prezientacyi – tut.
«Kirmaš prajektaŭ» ad kampanii «Budźma biełarusami!» – heta prezientacyja kulturnickich idej, na jakoj kožny achvočy, niezaležna ad prafiesijnaha dośviedu, moža pradstavić svaju zadumu šyrokaj publicy. Navošta? Kab znajści novyja pohlady na zvykłyja prafiesijnyja funkcyi i padychody, znajści partnioraŭ dla ažyćciaŭleńnia svajoj idei, sustreć patrebnych ludziej, natchnić ich i natchnicca samim, atrymać prafiesijnyja kansultacyi i parady dyj prosta «vyprabavać» svaju ideju na publicy.
Data praviadzieńnia: 15 traŭnia 2014 h. Miesca: Kreatyŭnaja prastora «CECH», prasp. Niezaležnaści, 58, k.6 (prachod praz vuł. P.Broŭki), dalni padjezd, 2 pavierch (schiema prajezdu). Pačatak: 19:00.
Zrobim razam žyćcio muziejaŭ raznastajniejšym i cikaviejšym!