Biełaruskaja kniha ŭ Varšavie: 22—25 maja
22-25 maja ŭ Varšavie projdzie štohadovaja knižnaja vystava — Warszawskie Targi Książki. Upieršyniu za niekalki apošnich hadoŭ na vystavie budzie dziejničać biełaruski stend.
Meta stenda Books from Belarus — pradstavić zamiežnym vydaŭcam i kniharam novyja imiony biełaruskaj litaratury, paznajomić ź jaskravymi mastackimi i publicystyčnymi vydańniami, a taksama raźbić zakaścianiełyja stereatypy i adnavić sastarełuju infarmacyju pra našu krainu i jaje kulturnyja nabytki.Na stendzie taksama možna budzie nabyć apošnija navinki biełaruskaj litaratury. Kaardynaty Books from Belarus - 170a/D19 (D19 – numar siektara, pobač ź jakim znachodzicca stend).
U pracy stenda voźmuć udzieł pradstaŭniki Sajuza biełaruskich piśmieńnikaŭ, «Litaraturnaha Doma «Łohvinaŭ» i moładzievaha internet-časopisa 34mag.net.
Akramia taho, na Varšaŭskaj knižnaj vystavie adbuducca vystupy biełaruskich litarataraŭ.
Płan biełaruskich vystupaŭ u Varšavie:
22 maja – čaćvier 16.30 -17.30 prezientacyjnaja zała: LONDYN C
«Biełaruś idzie da Jeŭropy»
Udzieł biaruć: pierakładčyca Małhažata Buchalik, piśmieńniki Alhierd Bacharevič, Jeva Viežnaviec, Artur Klinaŭ.
23 maja -piatnica, 17.00 -18.00, prezientacyjnaja zała LONDYN C:
From Belarus with Love. Paetyčnyja čytańni z Andrejem Chadanovičam.
Viadučaja – Jeva Viežnaviec.