31 maja — histaryčnaja subota ŭ kniharni «łohvinaŬ»
31 maja ŭ mienskaj kniharni «łohvinaŬ» (praśpiekt Niezaležnaści 37a) adbudziecca prezientacyja adnych z samych papularnych knižak na histaryčnuju tematyku, vydadzienych u apošni čas —«Bałachoŭcy: Śviedčańni, dakumienty, daśledavańni» i «Savietyzacyja Zachodniaj Biełarusi (1944—1953 h.): Prapahanda i adukacyja na słužbie ideałohii». U sustrečy prymuć udzieł ich aŭtary — historyki Jan Šumski i Juraś Jurkievič.
Asnovu pieršaj siarod zhadanych knih składaje daśledavańnie estonskaha historyka Jurasia Jurkieviča «Stvareńnie i dziejnaść Asobnaha atrada BNR u Bałtyi», pryśviečanaje sprobam stvareńnia biełaruskich vajskovych farmavańniaŭ u Bałtyi ciaham 1919 h., a taksama narys «Bałachoŭcy», napisany sučaśnikam padziej, polskim aficeram Stanisłavam Lisam-Błonskim u 1920-ja hh.
Akramia hetaha, u knizie dadatkova źmieščanyja niekatoryja małaviadomyja ŭspaminy i dakumientalnyja śviedčańni, datyčnyja žyćcia i dziejnaści Stanisłava Bułak-Bałachoviča i jaho vajskovych farmavańniaŭ, a taksama śpis usich žaŭnieraŭ Asobnaha atrada BNR pa stanie na kaniec 1919 h.
Vydańnie ilustravanaje, u tym liku kalarovymi ilustracyjami.
Jak adznačaje historyk Andrej Vaškievič, kniha Jana Šumskaha «Savietyzacyja Zachodniaj Biełarusi (1944—1953 h.): Prapahanda i adukacyja na słužbie ideałohii» – «vydatnaje hruntoŭnaje daśledavańnie, jakoje varta acanić jak adnu z najlepšych knih pa historyi na biełaruskuju tematyku… Heta kniha ab padziejach, jakija, jak užo zdavałasia šmat kamu, zastanucca tolki va ŭspaminach staražyłaŭ i za jakija nikoli nie voźmiecca nichto z historykaŭ».
Na sustrečy buduć taksama pradstaŭlenyja inšyja histaryčnyja vydańni.
Pačatak sustrečy a 18.00. Daviedki pa telefonie (29) 550 7969.