Siońnia — viečar pamiaci mastaka Hienadzia Chackieviča
5 červienia a 18-aj hadzinie ŭ kanfierenc-zale Muzieja sučasnaha vyjaŭlenčaha mastactva (pł. Niezaležnaści, 47) adbudziecca viečar pamiaci mastaka Hienadzia Chackieviča. Simvalična, što padzieja ładzicca ŭ miežach apošniaj vystavy, u jakoj udzielničaŭ i na adkryćci jakoj prysutničaŭ sam mastak.
U viečary prymuć udzieł siabry i blizkija aŭtara: Alaksiej Chackievič, Jury Chackievič, Volha Sazykina, Andrej Plasanaŭ, Adam Hłobus, Artur Klinaŭ i inš.
Padčas sustrečy budzie pakazana teleprahrama «ARTiŠOK» (rež. Natalla Kaćko) pra Hienadzia Chackieviča, a taksama fotazdymki z archivaŭ siamji i siabroŭ.
Hienadź Chackievič (Chackievič-Minski, Chac-Min).
03.06.1952, Minsk — 25.04.2014, Minsk
Vučyŭsia ŭ dziciačaj mastackaj studyi Siarhieja Katkova (1962–1968), Minskim mastackim vučyliščy (1968–1972) u Aleha Łuceviča, Biełaruskim dziaržaŭnym teatralna-mastackim instytucie na adździaleńni manumentalna-dekaratyŭnaha mastactva (1976–1982, kiraŭnik dypłomu — Haŭryił Vaščanka).
Udzielnik vystavak z 1972 h.
U 1987 sprabavaŭ zachapić samalot, kab patrapić u Paryž. Žyŭ u Minsku, naviedvaŭ Polšču, Anhliju i Francyju (pieryjadyčna žyŭ tam z 1990 pa 1998 hh.).
Tvory znachodziacca ŭ Nacyjanalnym mastackim muziei Respubliki Biełaruś, Muziei sučasnaha vyjaŭlenčaha mastactva ŭ Minsku, halerejach i pryvatnych kalekcyjach našaj krainy i zamiežža.
X