14—20 lipienia — siamiejny etnahrafičny letnik pad Rakavam
Siamiejny klub SET zaprašaje maładych baćkoŭ ź dzietkami na siamiejny etnahrafičny letnik, jaki adbudziecca z 14 pa 20 lipienia na chutary Alesia Łasia, viadomaha muzyki i etnohrafa, pad Rakavam.
Naša meta — stvaryć utulnuju prastoru, u miežach jakoj baćki i dzieci zmohuć akunucca ŭ śviet biełaruskaj narodnaj tradycyi.
Kali vy chočacie navučycca tradycyjnym ramiostvam, dałučajciesia! My razam budziem pleści pajasy, lapić z hliny, rabić upryhožańni i zabaŭki dla našych dzietak, źbirać ziołki i inš.
Kali vy vałodajecie niejkim ramiastvom, my budziem radyja, kali vy padzieliciesia svaimi viedami.
My taksama parazmaŭlajem pra tradycyi našych babul i dziadul, parazvažajem, jak pryŭnieści tradycyi ŭ našyja siemji, uzhadajem tyja viedy, jakija mohuć nam być karysnymi ŭ sučasnym žyćci.
Vy chočacie navučycca śpiavać narodnyja pieśni? Štodzień my budziem razam śpiavać, dla siabie i dla dzietak.
Vy chočacie adpačyć u biełaruskim asiarodku, znajści svaim dzietkam biełaruskamoŭnych siabroŭ? Mova našaha letniku — biełaruskaja. My budziem hulać ź dzietkami u biełaruskija hulni, bavić ich narodnymi zabaŭlankami.
Umovy ŭdziełu:
Pražyvańnie — na terytoryi chutara, tolki ŭ namiotach.
Charčavańnie: arhanizavanaje, ale jość mahčymaść hatavać samastojna.
Hrašovy ŭniosak: 70 uje za pražyvańnie (košt za 1 namiot, niezaležna ad kolkaści čałaviek u im) + vydatki na charčavańnie (u zaležnaści ad abranaha varyjantu charčavańnia, hł. ankietu ŭ kancy lista)
Dadatkovyja pytańni možna dasyłać na poštu: natalia.zienka@ethno.by
ci zadavać pa telefonie: + 375 29 740 53 91 (mts), + 375 29 646 54 56 (life) Natala
Papiaredni zapis abaviazkovy. Kali vy vyrašyli ŭdzielničać, zapoŭnicie, kali łaska, ankietu.