Zamiest «navin z Ukrainy» rasijskaje dziaržaŭnaje ahienctva publikuje «naviny z Ukrainy i Navarosii» FOTAFAKT
U svaich vystupach Uładzimir Pucin zajaŭlaŭ, što paŭdniovyja vobłaści źjaŭlajucca «Navarosijaj». Sama nazva śviedčyć, što jany majuć naležać Rasii. Rasijskaje dziaržaŭnaje infarmacyjnaje ahienctva ciapier adnosić naviny z poŭdnia Ukrainy da «Navinaŭ Navarosii».
Bajeviki abvieścili pra stvareńnie Danieckaj i Łuhanskaj «narodnych respublik». Na dumku naziralnikaŭ, Rasija sprabavała realizavać tam krymski scenar. Uśled za abviaščeńniem maryjanietkavych «dziaržavaŭ» jany pavinny byli de-fakta dałučycca da Rasii.
Źmiena miežaŭ Ukrainy — heta pieršy vypadak siłavoha pieradziełu miežaŭ u Jeŭropie paśla Druhoj suśvietnaj vajny. Da hetaha adbyvalisia tolki raspady fiederatyŭnych krain (SSSR, Juhasłavija) pa miežach respublik i aŭtanomij. Isnuje niebiaśpieka pierarastańnia hetych padziej u Treciuju suśvietnuju vajnu.