Ukraincy zamknuli koła vakoł Lisičanska ź jaho NPZ: bajeviki adrezanyja ad zapasaŭ paliva
18 lipienia ŭranku ŭkrainskija vojski pierarezali darohu, što źviazvaje Sievieradanieck i Łuhansk. Heta adbyłosia ŭ rajonie Słavianasierbska, paćvierdzili resursy, blizkija da DNR i ŁNR. Sproby bajevikoŭ prarvać kołca pośpiechu nie mieli.
U dadzieny momant abłoha haradoŭ praciahvajecca.
Bajeviki majuć u haradach mocny harnizon na čale z palavym kamandziram «Mazhavym». Jak i na zachodnim fłanhu ŭ Słaviansku i na paŭdniovym fłanhu ŭ Śniežnym, na paŭnočnym fłanhu ŭ Sievieradaniecku, a taksama ŭ samich Łuhansku j Daniecku, jadro šturmavych hrup skłali rasijskija śpiecnazaŭcy.
Sievieradanieck i Lisičansk majuć vialikaje stratehičnaje značeńnie. Nie tolki tamu, što trymajuć z poŭnačy, u siarednim ciačeńni Sievierskaha Danca, podstupy da Daniecka i Łuhanska.
Reč jašče i ŭ tym, što ŭ Lisičansku mieścicca naftapierapracoŭčy zavod «Rośniefti», a ŭ jaho reziervuarach jość značnyja reštki naftapraduktaŭ. Jany, darečy, u vyniku bajavych dziejańniaŭ zaharelisia. Słupy dymu bačnyja za 30 km ad miesca padziej.
Dva dni ŭkrainskija artyleryja mietadyčna abstrelvaje pazicyi bajevikoŭ na ŭskrajkaŭ atočanych haradoŭ.