U Maładziečnie pakažuć atrutnych manarchaŭ
Vystava žyvych ekzatyčnych matylkoŭ adkryjecca ŭ Maładziečanskim centry tvorčaści dziaciej i moładzi «Maładzik» 28 žniŭnia.
Na vystavie možna budzie ŭbačyć dziesiatki vidaŭ «žyvych kvietak» z usich kutkoŭ płaniety - ad nieprachodnych džunhlaŭ Amazonki da addalenych archipiełahaŭ Akijanii. Siarod najbolš cikavych vidaŭ - hihanckaja paŭlinavočka atłas. Razmach kryłaŭ matylka dasiahaje 24 sm. Paŭlinavočka atłas zaniesienaja ŭ Knihu rekordaŭ Hiniesa i ličycca adnym z samych bujnych matylkoŭ ŭ śviecie. Sustrakajecca jana ŭ asnoŭnym u Paŭdniova-Uschodniaj Azii.
Ŭvazie haściej taksama pradstaviać atrutnych manarchaŭ, zdolnych ździajśniać tysiačakiłamietrovyja mihracyi, siniakryłych marfid, jakija słaviacca aptyčnymi pieralivami kryłaŭ, listavidak Kalen, hihanckich savinych matylkoŭ, jakija pałochajuć ptušak vielizarnymi «vačmi» na kryłach. Naviedvalniki taksama zmohuć ubačyć pieratvareńnie lalački ŭ matylka. Kožny tydzień vidavy skład ekspazicyi budzie abnaŭlacca prykładna na tracinu.
Ekskursavody raskažuć naviednikam ab kožnym ź vidaŭ, paznajomiać sa staražytnymi lehiendami i pavierjami, źviazanymi z kryłatymi pryhažunami. Hości zmohuć paŭdzielničać u konkursach i rozyhryšy pryzoŭ.
Vystava budzie pracavać pa 14 vieraśnia.