Prezientacyja knihi Sieviaryna Kviatkoŭskaha — 16 kastryčnika
«Jak stać biełarusam. Sto historyj» — novaja kniha Sieviaryna Kviatkoŭskaha.
Prezientacyja adbudziecca 16 kastryčnika a 19-00 u halerei «Ŭ», Miensk, pr-t Niezaležnaści, 37/a.
Zbornik manałohaŭ u žanry dakumientalna-mastackaj prozy staŭsia vynikam prajektu, realizavanaha na sajtach Budzma.org i Tut.by.
«Jak stać biełarusam. Sto historyj» — heta zbor apoviedaŭ ludziej, jakija ŭ rozny čas adkryli adzin z bakoŭ svajho «ja».
Praz praz pošuk schavanaha, praź luboŭ, praz pratest, praz łohiku i mistyku, praz pačućcio spraviadlivaści i prahu charastva jany prychodzili da važnaści ŭśviadomić siabie Kimści, i ŭ tym liku — biełarusam. Kniha abjadnoŭvaje ludziej samych roznych uzrostaŭ i zaniatkaŭ.
Ad ziemlaroba da prahramista, ad inžyniera da muzykanta. Ź viadomych asobaŭ u knizie siarod inšych pradstaŭlenyja manałohi Uładzimira Arłova, Siarhieja Michałka, Andreja Kudzinienki, Siarhieja Dubaŭca, Jaŭhiena Kałmykova, Hanny Kiślicynaj, Andreja Kurejčyka, Žany Litvinoj, Siarhieja Chareŭskaha i Valancina Akudoviča.