Russkij mir i Biełaruski śviet: moŭnaja sustreča
22 kastryčnika. Niezaležnaści, 58. 18.30.
22 kastryčnika. Viadzie Piotra Sadoŭski.
U praciah temy «Russkij mir i Biełaruski śviet» na «Moŭnaj sustrečy» 22 kastryčnika pojdzie razmova pra źjavy druhasnaści, zvykłaha niekrytyčnaha zapazyčvańnia ŭ biełaruski moŭny ŭžytak z rasiejskaha bytavoha dy intelektualnaha asiarodku sumniŭnych i časam zaviedama falšyvych «kryłatych» iścin.
Niekatoryja temy:
Kiłbasa «Carskaja», sałcison «Kramloŭski», šyja «Impieratarskaja», sasiski «Hubiernatarskija»…
Takija biezhustoŭnyja krykliva-piramidalnyja nazvy pierapaŭźli z maskoŭskich «miasnych radoŭ» na minskuju Kamaroŭku. Našy pryłaŭki stali taksama «radami» i vydali dadatkova svaju ścipłuju,ale nia mieš hanarovuju «antysavieckuju» abojmu: «Panskaja», «Šlachieckaja», «Haspadarskaja», «Chutarskaja» i navat … «Kułackaja».
- Našy žurnalisty ŭśled za rasiejskimi pačali pisać «Słova nie vierabiej…». Treba ž «jak vierabiej» ci «što vierabiej»!
- Biełaruskija spartyŭnyja žurnalisty, treniery dy čynoŭniki ad sportu, paŭtarajučy rasiejskich, pačali śćviardžać, što ŭ zdarovym ciele – zdarovy duch, spasyłajučysia na antyčnyja krynicy. Ale ž nichto takoha nikoli nie havaryŭ!
- U biełaruskim narysie bačym zahałovak: «Z dalokich vandrovak viarnuŭšysia», skalkavany z rasiejskaha «Iz dalnich stranstvij vozvratiaś», jaki ź niekatoraha času staŭ ŭ rasiejskich ŚMI rubrykaj dla tekstaŭ pra padarožžy. Ale ž heta – radok (pačatak) vierša klasyka rasiejskaj bajki Kryłova, jaki nazyvajecca «Iłhun»! Tam hieroj – što toj Miunhaŭzen…
Pačatak a 18.30.
Uvachod volny.
Art Siadziba, pr. Niezaležnaści, 58,
handlovy centar «Maskoŭska-Vienski» (nastupny za CUMam).
4 pavierch, pakoj 430.