«Kročym razam» — novaja inicyjatyva dla biełaruskamoŭnych dzietak i ich baćkoŭ
Baćkoŭski kłub zaprašaje na čarhovuju sustreču 20 śniežnia.
U subotu 29 listapada adbyłosia čarhovaje pasiadžeńnie Baćkoŭskaha kłuba «Kročym razam».
Heta novaja placoŭka, dzie kožny moža padzialicca svaim baćkoŭskim talentam, znajści paplečnikaŭ i realizavać svaje zadumy.
Arhanizatary kłuba pišuć pra siabie tak:
My – nie centr rańniaha raźvićcia, my – nie dziciačy sadok i navat nie mamčyn forum.
My — baćki, jakija niešta stvarajuć dla svaich dziaciej ułasnymi namahańniami.
My stavim zadaču stvaryć ahulnuju bazu biełaruskamoŭnych vychavaŭčych i adukacyjnych materyjałaŭ.
My prapanujem maładym baćkam raźvivać svaje talenty i zdolnaści svaich dziaciej.
My imkniemsia skaracić čas na pošuki patrebnaj i vartaj infarmacyi, jakaja cikavić baćkoŭ i dziaciej.
Jakim čynam?
My vierym, što ŭ kožnaha z nas jość talenty, idei i infarmacyja, jakimi možna padzialicca i navučyć inšych. Našy zaniatki ź dzietkami nie buduć samametaj, ale i im budzie adviedziena dastatkova času.
Baćkoŭski kłub «Kročym razam» źbiraje ŭsich achvočych pa adrasie vuł. Fabrycyusa 4, druhi pavierch, biznes-centr «Imaguru», fotastudyja «Forward».
Prahrama sustrečy była takaja:
- znajomstva
- hulni dla dzietak
- zaniatki dla dziaciej na temu «Emocyi»
- tvorčaść razam ź dziećmi
- prahlad multfilma pa-biełarusku dla dziaciej
- z baćkami havaryli na temu arhanizacyi času.
Daviedalisia pra:
- asnovy tajm-mieniedžmientu dla mamy
-padzialilisia dośviedam.
Vynikam sustrečy stała stvareńnie padborki materyjałaŭ dla zaniatkaŭ ź dzietkami pa temie «Emocyi». Spampavać možna pa spasyłcy.
Uvachod volny pa papiarednim zapisie.
Nastupnaja sustreča adbudziecca 20 śniežnia.
Tema zaniatkaŭ dla dziaciej — «Kosmas».
Tema abmierkavańnia dla baćkoŭ, dakładniej dla mam: «Štodzionny makijaž», zaprosim vizažysta.
Zapisacca možna ŭ supołkach na Facebook i VKontakte