Shuma pradstaviła kaladnaje karaokie VIDEA
Napiaredadni Kaladaŭ etničny prajekt prezientavaŭ videa, źniataje ŭ kaściole ŭ Drui režysioram Arciomam Łobačam.
Rusia i Nadzieja Čuhunova jeździli ŭ Druju, kab paznajomicca z čaroŭnymi miaścinami dy źniać muzyčny film pry dapamozie režysiora Arcioma Łobača. Usiu noč jany praviali ŭ miascovym kaściole, śpiavali dy ekśpierymientavali z akustykaj. Miž inšym, zapisali tam videa na pieśniu «Kolado».
U aryhinale jana bolš doŭhaja, ale dziaŭčaty vyrašyli zrabić skaročanuju viersiju — kab nie sapsavać ludziam znajomstva z archaikaj doŭhimi śpievami, kažuć.
«Archaičnyja śpievy nie kožny moža słuchać spakojna, taki staražytny žanr patrabuje hatoŭnaści i asablivaj stupieni asensavanaści. My spadziajemsia, što naša archaičnaje karaokie spadabajecca ludziam, i jany z radaściu buduć bavić čas pad hetaje videa», — skazała Rusia partału Tuzin.fm.
Shuma prapanuje vykonvać svajo karaokie pry nahodzie za śviatočnym stałom. Kali hości skažuć: «A davajcie pieśniu śpiajem!», dyk možna zaśpiavać jakraz «Kolado». Heta viesieła, pryhoža i prosta ŭ vykanańni.