Michaś Bajaryn u kniharni «łohvinaŬ» — 8 studzienia
8 studzienia Latučy Ŭniversitet zaprašaje na dyskusiju «Tradycyja i myśleńnie», nahodaj dla jakoj źjaŭlajecca vychad knihi ese Michaiła Bajaryna «Samabyćcio».
Kniha fiłosafa i sanskrytołaha Michaiła Bajaryna pryśviečana ŭvodzinam u movu i tradycyju Viedaŭ. Aŭtar vyznačaje jaje jak sprobu pierakinuć most nad prorvaj pamiž tradycyjnym i sučasnym myśleńniem.
Što takoje Tradycyja? Jak i adkul zdabyvajecca Pierajemnaść? Ci jość miesca dla Novaha ŭ śviecie Spadčyny? Ci moža nasamreč prymietnik «tradycyjny» dapasoŭvacca da śvietu, kultury, hramadztva, myśleńnia? Što takoje myśleńnie ŭ Tradycyi, myśleńnie suprać Tradycyi i myśleńnie nasustrač Tradycyi? - hetymi pytańniami moža być akreślena tema abmierkavańnia.
Padzieju raspačnie spavieščańnie Michaiła Bajaryna «Spadčyna i Pačatak». U dyskusii biaruć udzieł fiłosaf i mietadołah Uładzimir Mackievič, a taksama fiłosaf i paet Ihar Babkoŭ. Maderatar dyskusii - Taciana Vadałažskaja.
Impreza adbudziecca 8 studzienia a 19.00 u kniharni Łohvinaŭ (Minsk, pr-t Niezaležnaści, 37a)