«Śmierć litaratury ŭ kniharni «łohvinaŬ» — 15 studzienia
Časopis «Makułatura» zaprašaje na śviatočnuju tryznu z nahody prezientacyi knihi Illi Sina «Bieletrystyka» i śmierci litaratury.
Uračystyja pramovy i tosty Hanny Kiślicynaj, Džejmsa Džojsa, Adama Hłobusa, Siarhieja Kalendy, Janki Kupały, Alhierda Bachareviča, Lva Tałstoja, Valancina Akudoviča. Kansultant pa śpirytyźmie – Jaŭhien Rahozin.
Aŭtarskaja rytualnaja manumientalistyka Paŭła Vajnickaha «Kniharnia łohvinaŬ» (Minsk, pr-t Niezaležnaści, 37a), Pačatak a 19-j.
Krychu pra knihu. Bierlinski hiej-aktyvist, jaki pračnuŭsia ŭ hrymiorcy sielskaha doma kultury, ačaravalnaja hładyjatarka na scenie viadomaj opery, vypadkovy ŭdzielnik Vyzvalenčaj vajny ŭ Banhładeš i zahadkavy mancior Hibryjeŭ… Usich hetych piersanažaŭ abjadnoŭvaje tolki adno: im karcić nabić ryła svajmu aŭtaru! Ale ničoha nie atrymlivajecca, ruki karotkija. Vizu dla pieraadolvańnia miažy pamiž litaraturaj i rečasinaściu maje tolki jon, aŭtar.
Tamu papiaredžvajem pa-dobramu: pračytajcie hetuju knihu! Bo inačaj jon vas usich taksama napiša. «Bieletrystyka» — heta pieršaja antylitaraturnaja kniha pa-biełarusku!
Knihu «Bieletrystyka» možna spampavać tut