Vystava žyvapisu Iłony Kasabuki — z 23 studzienia
23 studzienja 2015 h. u 17:00 adbudziecca adkryćcio vystavy «Taniec vietru» biełaruskaj mastački Iłony Kasabuka. Ekspazicyja ŭklučaje kala 30 žyvapisnych tvoraŭ, stvoranych joju na praciahu 2010-2015 hadoŭ.
«Krajavidy, naciurmorty, žanravyja zamaloŭki, pradstaŭlenyja na vystavie, spałučajuć u sabie estetyku maderna, japonskaj hraviury ukijo-e (malunak momantaŭ štodzionnaha žyćcia) i tradycyi jeŭrapiejskaj akademičnaj škoły žyvapisu. Kampazicyi rabot adroźnivajucca kamiernaściu, ich siužety prostyja i niemudrahielistyja. Časam mastačka nadaje im znarok frahmientarny charaktar. Jaje žyvapis, arystakratyčny i vytančany, raźličany, pierš za ŭsio, na hledača-esteta». Kuratar vystavy Natalla Sialickaja.
Iłona Kasabuka — pastajanny ŭdzielnik respublikanskich i mižnarodnych vystavaŭ, a taksama mižnarodnych pleneraŭ u takich krainach, jak Biełaruś, Bielhija, Bałharyja, Hiermanija, Kitaj, Łatvija, Litva, PAR, Polšča, Rasija, Słavakija, Francyja, Šviejcaryja i inš.
Z 1999 — siabra Biełaruskaha sajuza mastakoŭ.
Z 2009 — siabra Mižnarodnaha abjadnańnia mastakoŭ (Paryž, Francyja).
Pracuje ŭ halinie stankavaha i manumientalnaha žyvapisu, dekaravańnia prastory i interjeru.
Nacyjanalny mastacki muziej Respubliki Biełaruś
h.Minsk, vuł. Lenina, 20
sierada –paniadziełak, 11: 00-19: 00