Vajna pobač: u Minsku adbyłasia premjera śpiektakla «Matuchna Kuraž i jaje dzieci» FOTAREPARTAŽ
Stvaralniki śpiektakla «Dziady» pavodle A.Mickieviča — biełaruski niezaležny «Teatr Č» i režysior Michaił Łašycki — hetym razam źviarnulisia da Biertalda Brechta i padrychtavali dla minskaha hledača novuju «bombu» — śpiektakl «Matuchna Kuraž i jaje dzieci». Premjera prajšła z anšłaham u Pałacy kultury prafsajuzaŭ 21 studzienia.
Hałoŭnaja hierainia pjesy Hanna Firlinh — handlarka, viadomaja pad imiem Matuchny Kuraž, jeździć pa Jeŭropie sa svaim furhonam. Heta adzinaja krynica isnavańnia dla jaje i jaje dziaciej — dvuch darosłych synoŭ i niamoj dački. Kuraž kormicca za košt vajny — mir pahražaje joj spustašeńniem. Adnak los jaje dziaciej u vajenny čas składajecca trahična.
Pastanoŭku śpiektakla, a taksama jaho vizualnaje vyrašeńnie ažyćciaviŭ režysior Michaił Łašycki. Adnoj z hałoŭnych dziejnych asob u kamiedyi stała žyvaja i aŭtarskaja muzyka ŭ vykanańni hurtoŭ «ili-ili» i «Naka». Pierakład pjesy zrabiŭ Hienadź Buraŭkin. Pradziusar śpiektakla — Andrej Čorny.