«Čužyja suprać Drapiežnika — Rekvijem»
Čarhovaja ekspluatacyja słynnych pačvaraŭ.
Karabiel Drapiežnikaŭ cierpić katastrofu na Ziamli. Źniavolenyja Čužyja vyzvalajucca i atakujuć žycharoŭ amerykanskaha miastečka. A prybyły Drapiežnik-achoŭnik paluje na lehiendarnych istotaŭ — dyj na ludziej. Ci vyžyvie čałaviek, kali bjucca monstry?
Čarhovaja ekspluatacyja kultavych strachoćciaŭ, pazbaŭlenaja ŭciamnaha scenaru j novych admysłovych efektaŭ. Pra idei asablivyja havaryć taksama nie vypadaje, ale ŭ karcinie bratoŭ Stroz jość nastalhičnaja muzyka, staryja “čužynskija” huki i niekalki hodnych scenaŭ. Heta pakazanaja na chvilu planeta Drapiežnikaŭ — popielna-čyrvonaja, hruvastkaja, zmročnaja; naiŭna-nachabny kadar Čužoha nad kałyskaju ź niemaŭlatami.
Vykarystoŭvańnie pačvaraju paradzichaŭ, kiślinia ad Drapiežnika, što źniščaje ślady, hibryd Čužoha z Drapiežnikam, atamny vybuch — zbolšaha lichamankava-aściarožnyja, płahijatna-štučnyja i sapsavanyja aperataram.
Paraŭnoŭvać film z šedeŭrami Kemierona i Skota nijak nielha, ale Čužynska-Drapiežnickaja tema jašče nia vyčarpanaja.
Film tolki dla zaŭziataraŭ žudasnaje fantastyki.